Невообичаени ситуации се случуваат скоро секоја година на црвениот тепих, а љубителите на наградата „Златен глобус“ добро ја паметат ситуацијата кога во 2006 година славниот дизајнер и водител, Исак Мизрахи (59) ја фати познатата актерка Скарлет Јохансон (36) за гради во директен ТВ пренос.
„Ух, ух, токму тоа ми се допаѓа“, рече водителот.
Преплашената актерка во тоа време само рече: „Еј, што се случува тука“. Но, ова не е прв пат Исак да се однесува крајно непрофесионално и одвратно, а снимките од овој настан сега повторно кружат на социјалните мрежи.
Актерката Тери Хачер, која гледачите најмногу ја паметат по нејзината главна улога во популарната серија „Очајни домаќинки“, го пикна прстот во деколтето за да провери дали има скриени документи на кои е напишан говорот. Жртва е исто така и актерката Ева Лонгорија (45), која ја праша дали е „избричена“.
А, Сара Џесика Паркер (55) доживеа непријатно искуство кога ја праша колку има вистинска коса, а мета му беше и актерката Марсиа Крос (58), која ја праша: „Знаете ли кој сака девојки со црвена коса? Моето куче!“.
Бројни коментатори на социјалните мрежи напишаа дека треба да му се забрани да се појавува на телевизија бидејќи, како што пишуваат, тој ги понижувал жените со години.
– Да се биде хомосексуалец не му дава за право да допира други жени. Одвратно – ова се само дел од коментарите на социјалните мрежи.
