Внуката на фолк легендата Наум Петрески се роди пред околу еден месец и веќе почна да се фотка. Приновата во музичкото семејство го носи името Андреа, а мама и е најстарата ќерка на Наум, Анастасија која, исто така, се бави со музика и која е во брак со колегата и пејач на Биоритам Владимир Поповски.
Музичката двојка се сврши пред повеќе од една година на зимување, а сите церемонии поврзани со озаконувањето на врската поминаа без преголема врева и далеку од очите на јавноста. Под превезот на тајноста помина и бременоста, но убавата вест дека Наум стана дедо баш и не можеше да се сокрие и кон почетокот на минатиот месец прва ја откри тета Сања.
„За тетка најсреќен ден! Добредојде Андреа“ - напиша таа на социјалните мрежи.
Андреа е прво дете на музичката брачна двојка, којашто се венча на почетокот на годинава, скоро една година по свршувачката. Анастасија е најстарата ќерка на фолк-пејачот Наум Петрески, а Андреа е неговата прва внука.
