Епидемиолозите во Хрватска почнаа со вакцинација на граѓаните во областа Петриња со вакцината на „Модерна“.
Со оглед на тоа што станува збор за подрачје подложно на земјотреси и каде што има зголемен ризик од ширење на коронавирусот, било одлучено целата прва пратка на вакцината „Модерна“, од 3.600 дози, да биде испратена во Петриња.
Први вакцината ја примија осумдесетина членови на службата за итни случаи и лица над 65 години. По нив ќе се вакцинираат здравствените работници.
извор: Makfax
