Кинескиот претседател Кси Џинпинг изрази искрено сочувство до францускиот претседател Емануел Макрон за смртта на поранешниот шеф на државата Валери Жискар Дестен.

Поранешниот претседател беше голем француски државник и важен промотор на европската интеграција, се наведува во пораката на кинескиот претседател, објави државната ЦЦТВ.

„Тој ја сакаше кинеската култура, активно ја охрабруваше пријателската размена и соработка меѓу Кина и Франција и многу придонесе за развој на односите меѓу двете земји“, рече Кси.

Валери Жискар Дестен почина на 95-годишна возраст од последиците од инфекција со коронавирус.

извор: Makfax