Чарли Филипс има 26 години и досега има направено две операции за зголемување на градите, ботокс и полнење на усни и не планира да престане.
Таа одлучила да се трансформира во најубавата жена на која некој може да помисли - Барби.
Оваа млада мајка била подложена на бројни хируршки и нехируршки зафати, ги истетовирала и усните и веѓите, а се проценува дека цената досега е само 30.000 евра - сето тоа го платил нејзиниот сопруг Рос, кому му се допаѓа нејзиниот нов изглед.
- Дефинитивно ми се допаѓа изгледот на Барби и би рекла дека таа е моја инспирација. Сакам мала половина, големи гради, големи усни, долга руса коса и убав тен. Едноставно се чувствувам попривлечно и имам поголема самодоверба - рече таа.
Со сопругот Рос е веќе пет години и вели дека не може да се засити од нејзиниот изглед.
- Го сака тоа, плаќа за сите мои процедури, коса, естетика. Плати и за сите мои операции. - откри таа.
Чарли сега има планирано бројни операции кои ќе и помогнат да го постигне посакуваниот изглед, вклучувајќи операции на носот, брадата, образите и усните.
