Денеска се одбележуваат 25 години од парафирањето на Дејтонскиот мировен договор.

„ Ова не е праведен мир, но е поправеден отколку продолжувањето на војната. Во оваа ситуација каква што е и во овој свет каков што е, подобар мир не можеше да се постигне “, изјави тогаш првиот претседател на Претседателството на Република Босна и Херцеговина, покојниот Алија Изетбеговиќ, по церемонијата на потпишување на Дејтонскиот мировен договор на 14 декември 1995 година во Париз.

Всушност, на денешен ден 21 ноември 1995 година, по тринеделна мировна конференција во американската база Рајт Патерсон во Дејтон, Охајо, договорот го парафираа претседателот на Босна и Херцеговина Алија Изетбеговиќ, хрватскиот лидер Фрањо Туџман и првиот човек на тогашната СР Југославија Слободан Милошевиќ.

Сведоците на Дејтон раскажуваат дека покојниот Ричард Холбрук бил свесен дека таквиот Дејтонски договор не може да изгради стабилна и просперитетна БиХ. Во тоа време, Холбрук рече дека БиХ ќе мора да одржува ваков Устав најмалку 15 години, иако договорот траеше една деценија после тоа.

извор: Makfax

Најчитани вести