Иванка Трамп и Џаред Кушнер ги испушалесвоите деца од приватно училиште во Вашингтон, пренесува Си-Ен-Ен. Ова следело откако властите во оваа образовна институција изразија загриженост за нивното непочитување на мерките против ковид-19.
Властите на приватно училиште во Вашингтон, во кое учат трите деца на Иванка Трамп и Џеред Кушнер во последните три години, изразиле загриженост зарди јавното кршење на мерките против ковид-19, што може да се забележи кај родителите на децата, внуците на претседателот Доналд Трамп.
Изворот наведува дека Иванка Трамп и Кушнер повеќепати ги прекршиле упатствата утврдени во прирачникот за родители за мерките против ковид-19.
Поради приговори и барања за промена на однесувањето со цел да се заштитат од ковид-19, родителите одлучиле да ги отпишат децата од тоа приватно училиште.
Сепак, два извори наведуваат дека училиштето одлучило да се спротивстави на нивното непочитување на заштитните мерки и дека тоа го стори независно од поплаките на родителите.
Портпарол на училиштето одби да ги коментира наводите за Си-Ен-Ен.
Училиштето во моментов одржува часови во живо за ограничен број ученици, а превентивните мерки засновани на упатствата на Центарот за контрола и превенција на болести се однесуваат на вработените, децата, нивните родители и членовите на семејството.