Тежок настан утрово ја шокираше Австрија , каде три мали девојчиња беа убиени, а се сомнева дека позади ѕверско злосторство стои нивната мајка.
Мајката на убиените девојчиња сама се јавила во полиција. Според соопштението на полицијата во Виена, во 05:20 часот, жена се јавила на телефон и кажала дека ги убила нејзините три ќерки. Понатаму додаде дека сака да се самоубие.
Полицајците отишле во станот при што ја уапсиле и жената, која имаше и неколку рани на нејзе. 8-месечното девојче и 3-годишното беа пронајдени без знаци на живот, додека другото 9-годишно девојче, иако беше итно пренесено во болница, не успеа да преживее.
Останува нејасно што ја натерало жената да им го одземе животот на девојчињата, а во меѓувреме се дознава дека нивниот татко живее на друго место, исто во Виена.
