Специјалниот претставник на ЕУ за дијалог меѓу Белград и Приштина, Мирослав Лајчак, оцени дека денешната средба на стручните тимови во Брисел е „уште еден важен чекор“ во процесот на дијалогот и најави продолжување на разговорите на крајот на август.
- Денешната средба на експертско ниво во дијалогот Белград-Приштина беше уште еден важен чекор во процесот кон сеопфатен правно обврзувачки договор за нормализирање на односите меѓу Косово и Србија. Нашата работа ќе продолжи кон крајот на август, напиша Лајчак на Твитер.
Стручните екипи на Белград и Приштина ги предводат директорот на Канцеларијата за Косово и Метохија во Владата на Србија, Марко Ѓуриќ и косовскиот координатор за дијалог, Скендер Хисени.
Ова е втора средба на експертско ниво откако претставници на Белград и Приштина се состанаа во Брисел на 23-ти јули на разговори околу прашањето за исчезнатите и раселените лица.
Today’s expert level meeting of the Belgrade-Pristina Dialogue was another important step in the process towards a comprehensive legally-binding agreement to normalize relations between Kosovo and Serbia. Our work will continue at the end of August.
— Miroslav Lajčák (@MiroslavLajcak) July 30, 2020
