Авион на НАТО пред 18 години со проектили јаа уништи резиденцијата на тогашниот претседател на Југославија, Слободан Милошевиќ, на Ужичка 15 во Белград.
Две бомби на НАТО беа фрлени на резиденцијата на Милошевиќ, па дури и неговиот кабинет беше срушен со земја.
По бомбардирањето, се покажа дека Милошевиќ и неговото семејство не биле во резиденцијата во моментот на нападот, туку во стан на улицата Душанова во Белград, за кој знаеле само неколку луѓе од војската и безбедносното раководство.
За време на бомбардирањето на НАТО, Милошевиќ најмногу се криеше во засолништата на Тито во Белград и Бор. Пред сè, во вилата на Дедиње, „Мир“, која има скриени простории 70 метри под земјата.
Второто засолниште кај Бор, на локација сè уште непознато за општата јавност во тоа време, е изградено во 1979 година за потребите на тогашната југословенска народна армија (ЈНА) и има и големи подземни магацини.