Косовскиот претседател, Хашим Тачи, вечерва изјави дека ќе даде оставка доколку Специјалниот суд го потврди обвинението против него, Кадри Весели и други луѓе.
Во видео обраќање до граѓаните на Косово, Тачи рече дека е фер да се расветли секој сомнеж и секое обвинување за воени злосторства од кој било и каде и да се случило.
„Можно е да сум направил грешки во мир, но никогаш и воени злосторства“, рече Тачи.
Специјалното обвинителство во Хаг поднесе предлог обвинение против косовскиот претседател и други лица за воени злосторства и злосторства против човештвото. Тие се обвинети за скоро сто убиства.
извор: Makfax
