Во опозиција бевме обединети, потоа не раздели фотелјата, вака граѓаните му одговорија на пратеникот од СДСМ Мартин Костовски кој веројатно исплашен од одење во опозиција имајќи ги предвид рејтинзите на партиите и политичката ситуација, на Фејсбук побара поддршка од членството за да не потонеле.
Изборите се секој ден поблиску, а на сите анкети ВМРО-ДПМНЕ е во водство и тоа убедливо со 3 спрема 1 во однос на СДСМ, а во ситуација кога се во државата е катастрофално, кога веројатно и за уставните измени СДСМ нема поддршка од своите, Костовски дури сега побара обединување од членството. Но членството му порача дека е доцна.
– Социјалдемократи другари и другарки или ќе се држиме сите заедно еден до друг, или ќе потонеме сите еден покрај друг. Време за помирување и обединувањe, напиша Костовски.
Сепак оваа објава не наиде на поддршка и позитивни коментари како што очекувал Костовски, напротив, членството го соочи со реалноста која е сурова за него во овие моменти.
Така еден член му порача дека веќе потонале и дека казната доаѓа.
– Ние веќе потонавме. Ама за нас не е важно, важно е вие да не потонете. Сега кај членовите на СДСМ веќе не постои разочарување туку гнев и револт кон раководството на партијата. Затоа ќе бидете жестоко казнети на наредните парламентарни избори кога и да се, напиша тој.
Друг му порача дека е касно затоа што досега не им било важно како живее членството, а дури сега бараат да се држеле заедно.
Воедно му беше порачано да си ги види коментарите за да знае од кого е СДСМ потонато.
– СДСМ одамна е потонато од таквите како тебе. Си ги читаш ли коментарите? Цело Куманово не те сака, напиша уште еден член на СДСМ.
Во еден од коментарите стои е касно и дека дојде време да се плати сметката.
– Касно ви текна другар, сметката треба да се плати прво… тие што ја доведоа до оваа ситуација партијата првин треба да се отстранат, стои во коментарот.
Добро е одредени личности да се приземјат, пишува членка на партијата, која му порача на Костовски да го стават прстот на чело и да видат каде и кому што ветувале.
– И многу ме интересира како тие личности сега повторно ќе се појават меѓу истите тие луѓе кои во очи ги направиле будали, а ги има баеѓи. Ќе биде интересно на средните, напиша таа.
