Во својот годишен извештај, британскиот Оддел за култура (DCMS), кој беше одговорен за организирање на крунисувањето, прецизираше дека самата церемонија чинела 50,3 милиони фунти (60 милиони евра), а 21,7 милиони фунти (26 милиони евра) се издвоени за безбедносни трошоци, пренесува Ројтерс.
Од DCMS посочуваат дека крунисувањето беше можност да се соедини целата земја и да се зајакне националниот идентитет, како и да се претставува Велика Британија во светот.
Се прецизира дека по повод крунисувањето на кралот Чарлс биле објавени повеќе од 100.000 вести, како и дека настанот го следеле две милијарди луѓе во 125 земји.
Крунисувањето на кралот Чарлс беше помалку луксузно од крунисувањата на неговите претходници, вклучително и неговата мајка, кралицата Елизабета Втора, што ја одразува помодерната ера во која многу Британци исто така доживеаја финансиски тешкотии, наведува британската агенција.
Кралот Чарлс и кралицата Камила беа крунисани на 6 мај 2023 година, што беше најголемиот свечен настан во Велика Британија во последните седум децении, на кој присуствуваа 100 светски лидери, пренесува Танјуг.
