Така неодамна купил порцеланска чинија за пет долари, не сфаќајќи какво изненадување го чека.
Веднаш штом стигнал дома, ја фотографирал чинијата, а потоа пребарувал на интернет за повеќе информации. Тогаш сфатил дека една неодамна била продадена за 4.300 долари!
Карсерано бил шокиран од својата среќа. Се посомневал дека чинијата има некаква вредност, но не очекувал да се мери со илјадници долари.
„Само две такви чинии се продадени на аукција во последните 50 години“, рече тој.
Човекот открива дека купува и продава антиквитети веќе 35 години, и дека не бил единствениот кој го забележал порцеланскиот предмет во продавницата, пренесува New York Post.
„Тројца други купувачи беа заинтересирани, но јас успеав да го купам. Подоцна го однесов во неколку аукциски куќи за да ја потврдам неговата автентичност“, објаснил тој.
Потоа дознал дека чинијата била произведена за време на династијата Кинг, последната кинеска империјална династија, околу 1775 година. Проценетата вредност е помеѓу 4.000 и 6.000 долари.
„Мојата чинија се истакнува затоа што никогаш не била користена, нема гребнатини. Навистина е недопрена“, истакнува Карсерано.
