Кога патувате во европските земји, денот веројатно ќе го поминете во гужви, посетувајќи историски и културни знаменитости, а еве во кои градови треба да внимавате на џепчии.
Илјадници луѓе секоја година се соочуваат со вистински кошмар кога нивните скапоцености ќе исчезнат додека патуваат, а пред се, треба да бидат повнимателни кога станува збор за посета на популарни атракции.
Во кои европски градови има најмногу џепчии?
Експертите за споредба на патничкото осигурување на Kuotezone.co.uk објавија извештај во кој ги рангираат европските земји според ризикот од џебни кражби.
Компанијата користела прегледи на патници за да пресмета колку често се споменуваат џепчиите во првите пет туристички атракции на секоја земја.
Земја со најмногу џепчии – Италија
Дестинацијата каде што најверојатно ќе бидете опкружени со џепчии е Италија.
Посетителите на Колосеумот, Фонтаната Треви и Пантеон во Рим, Дуомо ди Милано во Милано и галеријата Уфици во Фиренца спомнаа дека им биле украдени предмети во вкупно 1.906 прегледи за патувања преку Интернет од 2022 година.
Според овие податоци, на секој милион посетители на најголемите туристички атракции во Италија биле ограбени 463 луѓе.
На второ место е Франција
На секој милион посетители се ограбени 283 жители. Сите пет атракции се наоѓаат во главниот град на Франција, Париз.
Шпанија на неочекувано шесто место
Холандија беше трета во ова истражување за џепчии, додека Шпанија беше само шеста на листата, и покрај долгогодишната лоша репутација на шпанските туристички атракции по бројот на кражби на дневна основа.
Рецензиите за Шпанија имаат пет пати помалку спомнати кражби од Италија.
Земјите со најмалку пријави за џебни кражби се Република Ирска со 30 спомнувања на кражби на милион посетители и Полска со 18.
