Веруваме дека повеќе пати сте гледале некој филм во кој еден од главните актери го губи помнењето поради сплет на околности, а потоа повторно се запознава со неговиот живот и со луѓето кои го сочинуваат.
Слично нешто и се случило на една жена по име Џастис Стампер, која изгубила дел од меморијата во сообраќајна несреќа во 2014. Таа се здобила со повреди од кои закрепнала еден месец, а исто толку време и требало да му признае на сопругот Џереми дека таа не се сеќавала на нивната свадба.
Џереми и Џастис се запознале кога имале 10 години, почнале да се забавуваат за време на средното училиште и набрзо почнале да зборуваат за брак.
– Едноставно знаевме дека треба да бидеме заедно – вели Џастис.
Кога Џастис му признала на сопругот дека не се сеќава на нивната венчавка, наишла на поддршка и разбирање, а Џереми направил се за неговата сопруга да се чувствува подобро.
Тој и ветил дека повторно ќе ја направи венчавката и започнал кампања за собирање пари.
Џереми собрал над 5.000 долари и ја подарил својата сакана свадба од нејзините соништа.
– Нашата прва свадба беше убава и совршена, но овој пат сакав Џастис навистина да се воодушеви. Таа навистина го заслужува тоа – рекол тој, а Џастис додала дека е среќна и благодарна што покрај себе има таков сопруг, пишува „Брајт Сајд“.
(Telegraf.rs)
