Инцидентот се случил во понеделникот вечерта кога мажот се обидел да се пријави за својот лет за Мајами. Откако вработен на аеродромот му рекол дека нема да може да се качи поради проблем со билетот, патникот одеднаш експлодирал од бес, пишува Њујорк пост.
На видеата снимени од случајни минувачи се гледа како градежниот работник, кој требало да застане во Мајами на пат кон Хаити, почнал да го уништува пултот.
Ciudadano haitiano tuvo su momento de furia en el Aeropuerto de Santiago al enterarse que su pasaje a EEUU y posterior a Haití no estaba reservado, sacó 1 martillo de su bolso y comenzó a romper pantallas y computadores, daños asciende a 20 millones, fue detenido @biobio pic.twitter.com/CZbmRV06Mf
— IEC-180 CONTROL STGO (@fdo2000) August 28, 2024
Сите во ужас гледаа како човекот почнал да ги крши поставените телевизиски екрани со чекан, а потоа и компјутерските екрани на пултот за пријавување. Штетата што ја направил се проценува на околу 18 илјади евра.
Безбедносните служби брзо реагирале, го привеле мажот и го предале на полицијата. Портпаролот на Американ ерлајнс го потврдил инцидентот, нагласувајќи дека локалните власти биле повикани поради „грубо лице“ во лобито на аеродромот.
- Му благодариме на нашиот тим за професионалноста и им се извинуваме на нашите патници за непријатностите - изјави портпаролот, пишува New York Post.
