Тимот научници ги направи првите слики од животни кои преживуваат во екстремните услови на темниот океански свет под огромен притисок и без пристап до сончева светлина.
Ново откритие
Научниците ја користеа подморницата „Фендуже“, која им овозможи да нурнат во океанските ровови на северозападниот Тихи Океан.
Иако претходно беше познато дека животот постои на длабочина од над осум километри, новото откритие ги поместува границите на тоа знаење.
„Екосистемите“ беа снимени, составени од цевчести црви, мекотели и други организми кои преживуваат користејќи хемикалии како што се водород сулфид и метан кои излегуваат од раседите на морското дно, наместо од сончева светлина.
„Неверојатни заедници на живот“
Мисијата траеше повеќе од еден месец и опфати повеќе од 2.500 километри океански ровови на длабочина од 5.800 до 9.533 метри.
Истражувањето го потврдува постоењето на екосистем поттикнат од метан, што е значаен напредок во разбирањето на животот на екстремни длабочини, велат научниците.
„Откривме навистина неверојатни заедници на живот. Овие животни се целосно прилагодени на услови каде што нема светлина, а притисокот е огромен“, рече водечкиот истражувач од Кинеската академија на науките, Сјаотонг Пенг.
Тихиот океан полн со тајни
Претходниот рекорд за регистрирани видови на длабочина го држеше риба полжав, која беше регистрирана на 8.336 метри во близина на јапонскиот брег.
Снимките покажаа големи концентрации на живот во форми на цевчести црви и мекотели, кои преживуваат во целосен мрак и користат хемиски реакции за да преживеат.
Овие организми претходно им беа непознати на научниците, а идните истражувања треба да откријат како функционираат овие тела и како преживуваат под овие исклучителни услови.
