Тој е висок 65,24 сантиметри, што е речиси седум сантиметри понизок од претходниот рекордер Едвард „Нинџа“ Хернандез (36).
Афшин е роден во зафрлено село во иранската област Букан и неговиот живот никогаш не бил лесен. Не можејќи да оди на училиште поради неговата висина, се борел со писменоста. Тој е апсолутно воодушевен што неодамна научил да го пишува своето име.
Куќата во која живее Гинисовиот рекордер е скромна, неговото семејство работи напорно, а понекогаш се мачат да обезбедат доволно средства за живот, лекови и лекување.
„Лекувањето и физичката слабост се главните причини поради кои престана да учи “, објасни неговиот татко Есмаил Гадерзадех.
Поради нискиот раст не можел да тргне по стапките на татко му, кој се занимава со градежништво, а всушност тешко наоѓа каква било работа.
Деновите најчесто ги поминува гледајќи цртани филмови и на интернет. Афшин добро се справува со телефонот, но има проблем да го носи.
„Генерално ми е тешко да го користам долго време, но се снаоѓам“, рече тој.
Поради неговата дружељубивост и отвореност, тој е многу популарен меѓу локалното население. Иако бил омилен, тој истакнува дека би сакал да живее како другите луѓе, а особено да вози автомобил.
Не се движи сам низ селото, секогаш е придружуван од родителите, а понекогаш мора и да го носат.
