По породувањето во 2024 година, акушерките ја известиле Британката дека нејзината ќерка Изабел има потреба од фототерапија и дека ќе биде сместена во специјално одделение. Немало индикации за проблем.
Хаос во породилиштето
Една вечер, Мејси отишла да го провери новороденчето и ја нашла акушерката како го држи бебето во раце.
"Таа објасни дека ја зела Изабел затоа што многу плачела. Додала дека изгледа токму како мене. Беа два дена по породувањето, па ништо не прашав. Само го зедов детето и го однесов во мојот кревет", објаснила жената.
Нешто подоцна, кога решила да му ја смени пелената на бебето, Мејси била шокирана! Пред себе имала момче, а не Изабел и веднаш алармирала во породилиштето.
Случајна грешка
"Мислев дека некој ја украл Изабел. Бев преплашена. Како да ја изгубив засекогаш", рекла таа.
За среќа, се испоставило дека бабиците случајно ги префрлиле момчето и девојчето, а останува нејасно дали другата мајка сфатила што се случило.
„Сѐ можеше да се случи! Другата мајка беше во соседната соба“, рече Мејси.
Mom 'terrified' to discover baby she was caring for in hospital wasn't hers — here's how she found out https://t.co/qBTwybKGMy via @nypost
— JohnnyGuitar (@JohnPalumb60539) April 17, 2024
„Длабоко жалиме“
Таа додава дека Изабел била оставена во кревет за фототерапија, но не знае што ѝ се случило додека се грижела за непознатото момче.
По инцидентот, болницата започнала внатрешна истрага, објави Њујорк пост.
„Длабоко ни е жал за она што се случи. Посегнавме до мајката за да и понудиме поддршка. Безбедноста на родителите и бебињата е наш најголем приоритет“, изјави тогаш Лорејн Тонге, портпаролка на Дорсет Хелт.
