Кондомот, за кој се верува дека е направен од овчо црево, би можел да биде сувенир од бордел, според музејот.
Колку што е познато, преживеале само два такви примероци. Цртежот на кондомот од 1830 година прикажува игуманија во седечка положба, со раширени нозе пред тројца свештеници, со прст насочен кон еден од нив.
Пародија на сексуална апстиненција
Музејот вели дека цртежот веројатно бил наменет како пародија на сексуалната апстиненција што се бара од свештениците во Католичката црква.
Кондомот може да се гледа како дел од изложба за сексуалноста и проституцијата во 19 век, која е отворена до крајот на ноември. „Таа ја покажува и разиграната и сериозната страна на сексуалното здравје“, објави музејот за кондомот.
Во тоа време, потрагата по задоволства одеше рака под рака со стравот од сексуално преносливи болести, особено сифилис и несаканата бременост.
