Името на продуцентската куќа директно се однесува на нејзиното кодно име во Тајната служба - „Муза“, објавува „Ју-Ес-Еј Тудеј“.
Компанијата ќе дебитира со филм наречен „Меланија“, кој е закажан да се прикаже во кината низ САД на 30 јануари, а потоа и на платформата Prime Video на „Амазон“.
Документарецот го прикажува 20-дневниот период пред Меланија да се врати во Белата куќа по инаугурацијата на американскиот претседател Доналд Трамп на 20 јануари.
„Ѕирнете во светот на Меланија Трамп додека таа ги организира плановите за инаугурацијата, се справува со предизвиците на транзицијата во Белата куќа и повторно влегува во јавниот живот со своето семејство“, се вели во описот на филмот.
Со ексклузивни снимки од клучни состаноци, приватни разговори и претходно невидени простори, документарецот „Меланија“ го прикажува враќањето на Меланија Трамп на една од највлијателните улоги во светот.
