Мажот бил запрен во пристаништето Футиан на границата меѓу кинескиот административен регион Хонг Конг и главниот град Шенжен, соопштија властите, пренесе Си-Ен-Ен.
Цариниците пронашле шест платнени кеси со змии скриени во облеката на мажот. „При прегледот, царинските службеници открија дека во џебовите од панталоните биле спакувани шест платнени торби со врвка и врзани со селотејп“, се наведува во соопштението.
„По отворањето, цариниците видоа дека во секоја кеса има живи змии од сите големини и бои“, се додава. Во соопштението за медиумите се наведува дека полицајците заплениле 104 змии, меѓу кои и млечни змии и пченкарни змии. Многу од змиите не биле автохтони видови.
Кинеските закони забрануваат увоз на животни од други земји. Во извештајот на царината не е наведено со какви казни ќе се соочи човекот.
