Така, на еден Инстаграм профил се појави видео од денешната младина која во еден глас ја пееше познатата песна на Лепа Брена „Југословенка“.
Видеото, кое има над 63.000 лајкови и повеќе од 2.000 коментари, стана вирално, а на него се гледаат млади луѓе како заедно пеат и ги држат знамињата на државите од кои доаѓаат. Тоа, секако, предизвика бројни реакции во коментарите – иако повеќето беа позитивни и не гледаа ништо лошо во тоа, се појавија и некои негативни – главно насочени кон Југославија.
Југославија одамна престана да постои, но изгледа дека помладите генерации ја наследиле емпатијата и љубовта на своите родители кон соседите, и одлучиле на овој начин да ја покажат.
– Луѓето се делат на добри и лоши! Живејте, дечиња мои, само сакајте се, браќа сме по крв и месо – гласеше еден од коментарите, а други додаваа:
– Конечно нешто убаво да видам по 48 години живот –
– Од Вардар па до Триглав, од Ѓердап па до Јадранот, студент до студент, со чисти детски срца – напиша една корисничка.
– Јас сум Македонка, но ги сакам Србите, Хрватите, Бошњаците, Црногорците... сите сме исти, ве сакам сите – напиша друга корисничка во коментарите.
Нема сомнеж дека децата убаво се забавуваа на оваа журка, а истовремено успеаја да ги воодушеват и многу постари генерации со својот гест, а меѓу лајковите на видеото се најдоа и еден од Северина и друг од Драгана Мирковиќ.
