Неименуваниот маж страдал од крварење од носот од октомври минатата година, но контактирал со специјалисти дури кога му отекло лицето и усните.
„Не можев да станам без да ми крвари носот. Кога дојдов на преглед, докторот ми рече: „Гледам нешто што се движи“, вели пациентот.
Д-р Дејвид Карлсон извршил преглед со камера, а потоа видел десетици бубачки кои се хранат со мекото ткиво, истовремено исфрлајќи измет во шуплините на синусите, што предизвикало воспаление, пренесува New York Post.
„Големината на бубачките варираше, но поголемите беа како врвот на мојот мал прст“, објаснил докторот.
Тој додава дека ги отстранил и ларвите кои влегле во мекото ткиво, а при интервенцијата користел различни инструменти.
Florida man has 150 live bugs removed from his nose — and he didn’t even know they were there https://t.co/s92aV4I31t pic.twitter.com/6f6pTgEHq0
— New York Post (@nypost) February 21, 2024
На социјалните мрежи се појави видео кое може да биде вознемирувачко за некои читатели, а прикажува ужасни сцени во носната празнина на пациентот.
„Бубачките беа во близина на основата на черепот, веднаш под мозокот. Да поминеа, можеа да го убијат“, изјавил доктор Карлсон.
Пациентот претпоставува дека паразитите му завршиле во носот откако имал контакт со мртва риба.
Д-р Карсон истакнува дека во неговата долга кариера како специјалист за ОРЛ, никогаш не видел ваков случај во САД.