Таа денеска со својот сопруг, принцот Вилијам, во Лондон се сретна и се поздрави со емирот на Катар, шеикот Тамим бин Хамад Ал Тани и со првата од неговите три сопруги, Шеиха Џавахер.
Принцезата од Велс се појави во долго бордо палто со капа во иста боја. Таа носеше накит што ѝ припаѓаше на покојната кралица Елизабета Втора. Насмеана, таа застана и позираше покрај принцот Вилијам. Ова беше прво јавно појавување на принцезата по повеќе од еден месец.
Тамим бин Хамад Ал Тани е четвртиот син на поранешниот емир на Катар, Хамад бин Калифа Ал Тани и неговата втора сопруга. Иако не беше првиот во редот за преземање на тронот, благодарение на своите способности успеа да се избори за тоа место. И пред да го замени својот татко на функцијата, емирот се занимавал со политика, но не бил на високи функции. Се школувал во Велика Британија.
За потсетување, принцезата од Велс неодамна заврши со хемотерапијата. Во средината на септември таа полека почна да се враќа на службените обврски.
Потоа во трогателно видео проговори за својата битка со ракот.
„Како што летото се приближува, не можам да ви кажам колку ми олесна што конечно завршив со хемотерапија. Последните девет месеци беа неверојатно тешки за нас како семејство. Животот каков што знаете може да се смени за миг и моравме да најдеме начин да ги пребродиме бурните води и непознат пат“, вели таа во видеото, додавајќи дека нејзиниот пат до целосно закрепнување е долг и дека ќе направи сѐ за да остане здрава.
