Различната вера не треба да биде пречка туку можност за дијалог, сметаат повеќе од 70% од анкетираните средношколци и студенти од Православната богословија „Св. Климент Охридски“, Православен богословски факултет - Скопје, Медресата „Иса-Бег“, Филозофски факултет - Скопје и Факултетот за исламски науки - Скопје, покажуваат резултатите од Истражувањето за ставовите на младите кон религијата, етиката и секојдневните предизвици, спроведено во текот на 2025 година, соопшти Комисијата за односи со верските заедници и религиозни групи.
За 81% религијата има значително влијаение на нивното секојдневно однесување, а за 62% игра важна улога во нивниот личен живот.
Значително мнозинство го поддржува воведувањето на етиката и религијата во формалното образование, како механизам кој активно помага во справување со нивните секојдневни предизвици.
Целта на истражувањето беше да се измери како младите ја перцепираат религиозноста, етиката и моралните вредности во контекст на секојдневниот живот и психосоцијалните предизвици, вклучувајќи го и нивиот став за воведување на религијата во формалното образование.
Истражувањето е презентирано на Третата светска конференција за меѓурелигиски дијалог која се одржа во Крушево од 23–26 јуни 202 година, каде се отвори поширока дебата за улогата на религијата во образованието, етиката и благосостојбата на младите.
Трудот е објавен во меѓународно научно списание „The Journal Religious Dialogue and Cooperation“ на Центарот за Интеркултурни Студии и Истражувања при Филозофскиот факултет на Универзитетот „Св. Кирил и Методиј“ во Скопје, кое
публикува оригинални и рецензирани научни трудови од областа на религијата.
