Во знак на лична поддршка, Ли вечерал со своите најблиски соработници во еден ресторан во центарот на Сеул, со цел да ја подигне свеста за важноста од зајакнување на домашната потрошувачка.
– Би сакал граѓаните да ги посетуваат блиските ресторани и на тој начин да придонесат за заживување на локалната економија. Тоа би бил важен чекор кон посветла иднина на нашата земја – порача претседателот преку социјалните мрежи.
Оваа иницијатива доаѓа во пресрет на распределбата на еднократна државна помош, која започнува на 21 јули. Секој граѓанин ќе добие речиси 100 евра, а износот ќе зависи од приходите на домаќинството.
Станува збор за мерки кои се дел од поширок пакет економски стимулации, а владата најави дополнителен буџет со цел закрепнување на потрошувачката. Претседателот Ли им наложил на официјалните лица исплатите да бидат ефикасни и дополнително да ја зајакнат домашната економија преку конкретни мерки за поддршка, пишува B92.net.
