Измамникот со користење на вештачка интелигенција ја убедли наивната Британка да плати дури 570.000 евра, пишува LADbible.
Жената, чие име не е објавено за да се заштити нејзината приватност, почнала да ја следи фан-страницата на Џејсон Момоа по смртта на нејзиниот сопруг со кого бил во брак 50 години. Набргу потоа, на нејзино изненадување, добила порака за која поверувала дека е од самиот актер.
Измамниците користеле видеа генерирани од вештачка интелигенција за да ја убедат вдовицата дека таа и 46-годишниот актер, кој се разведе од Лиса Бонет во 2024 година, се предодредени еден за друг. Откако ја стекнаа нејзината доверба, следеа барања за пари.
Лажниот Момоа тврдел дека му се потребни парите за филмски проекти и побарал од неа 570.000 евра за да може да изгради дом од соништата во неговите родни Хаваи. Убедена во љубовната приказна, наивната вдовица го продала својот дом во Кембриџшир за да ги собере парите и да му помогне ана „своето“ ново момче да ја оствари замислата.
Штом ги испратила парите, нејзиниот мистериозен додворувач исчезнал без трага. Полицијата од Кембриџшир го потврдила случајот: „Ова можеби звучи неверојатно, но е вистинска приказна, по која ранлива жена станала бездомник.“
Ова, инаку не е прв пат ликот на Џејсон Момоа да биде злоупотребен на овој начин.
Баба од Њукасл, исто така, наседнала на слична измама, и загубила 92.800 евра. Прво испратила пари за авионски билети за да може „актерот“ да ја посети, но барањата продолжиле. „Потоа биле подароци за неговата ќерка“, рекла жената.
„Разговарав со она што мислев дека е негова ќерка, која полни 15 години. Ми беше кажано и дека се расправа со поранешната сопруга за куќата и дека ни е потребна венчаница за да ја задржиме куќата. Затоа бев наивна и платив“, додаде таа.
