Во цела Германија има недостиг од медицински персонал, поради што работодавците на секој начин се обидуваат да привлечат нови работници. Што друго може да привлече работници освен пари, затоа директорот на една германска клиника се решил на необичен потег.
Директорот на клиниката „Бад Брамштет“ во Хамбург претставил специјална понуда за работа. Нуди бонус за добредојде од неверојатни 10.000 евра за нововработен.
Затоа, секој што ќе ја прифати работата автоматски добива 10.000 евра. Германските медиуми пренесуваат дека на овој начин болницата во Шлезвиг-Холштајн сака да одговори на недостигот од медицински сестри.
Значи, како што стои во огласот, оваа понуда се однесува на 15 слободни работни места во болничкиот сектор. Договорот за вработување е на неопределено време, неделното работно време е 38 часа, а има и годишен бонус, објаснуваат германските медиуми.
Веќе подолго време се предлага воведување бонус за ангажирање медицински персонал. Одредени политички партии во минатото предложија да не се оданочуваат бонусите за добредојде. Платите на медицинскиот персонал, особено на медицинските сестри, зависат од одделот во кој работат, сојузната држава, работното време и степенот на образование.
Просечните месечни примања за медицинскиот персонал се 2.899,84 евра со полно работно време и 1.996,33 со скратено работно време. Најдобри плати за медицинските сестри има во Минхен, а таа просечна плата е 4.080 евра.
