Испитувањето на осомничените за убиството на професор од Беркли во Атина продолжи денес, а 35-годишниот Грк Христос, партнер на поранешната сопруга на жртвата, Надија, и обвинет за потегнување на чкрапалото, се изјасни за виновен и рече дека сè сторил самиот.
Христос (35) призна дека самиот го убил професорот Пшемислав Јежорски, без никаква посебна умисла или планирање. Наводно рекол дека неговата партнерка, поранешната сопруга на жртвата, не му наредила да го изврши суровото дело.
И ова и покрај фактот дека доказите во рацете на властите се неоспорни и покажуваат дека постои метод за прикривање на злосторството и градење алиби.
„Го направив тоа за да го спасам моето семејство“, рече тој за време на испрашувањето кое траеше повеќе од два часа. Тој исто така нагласи дека не добил наредба за убиството од никого, пренесе Телеграф.
Христос исто така тврдеше дека сакал да го заврши правниот спор на жртвата со својата партнерка за да може да го живее својот живот со неа и нивното 14-годишно дете.
Според ЕРТ, поранешната сопруга на жртвата, Надија, изјавила дека дознала за убиството еден ден подоцна откако нејзиниот партнер признал во полицијата.
Се наведува дека таа рекла дека била шокирана бидејќи не сакала нејзиниот поранешен сопруг да биде мртов. Другите осомничени соучесници во злосторството исто така рекле дека немаат никаква врска со убиството.
Според еден од уапсените, 30-годишен Бугарин, Христос наводно му се јавил неколку дена претходно за да го запознае со двајца други мажи кои ќе му помогнат да го „претепа и заплаши“ професорот.
За потсетување, грчките медиуми претходно објавија дека Надија му наредила на своето момче да го убие нејзиниот сопруг, со кого била во правен и финансиски спор.
