Голманот на Манчестер Сити, Едерсон ќе може да се врати на терените за решавачките натпревари кои го очекуваат тимот до крајот на сезоната. Тој заработи повреда на неделниот натпревар против Нотингем Форест и беше заменет на полувремето. Веднаш по средбата, Пеп Гвардиола изјави дека неговата моментална состојба „не изгледа добро“, но по направените прегледи, излезе дека повредата не е сериозна.
30-годишниот бразилски интернационалец е под знак прашалник за средбата со Вулверхемптон во сабота, а се очекува да биде достапен за следните натпревари.
