Смартфонот V40 ThinQ на LG ќе биде претставен на 4. октомври (ВИДЕО)

Веднаш откако Apple ги претстави своите нови паметни телефони, LG одлучи да ги израдува своите фанови со објавување кога ќе биде премиерата на следниот предводник на компанијата.

Веќе е јасно дека станува збор за моделот LG V40 ThinQ и знаеме дека официјалната презентација ќе биде на 3-ти октомври на специјален настан во Њујорк, пред да биде демонстриран во Кореја следниот ден.

Компанијата, исто така, објави краток тизер, потврдувајќи дека уредот ќе има тројна главна камера.

Видеото покажува како паметен телефон доловува четири кадри – стандардни, широкоаголни и телефото, плус портрет. Сето ова укажува на тоа дека LG V40 ThinQ ќе го следи примерот на Huawei P20 Pro и ќе обезбеди тројна главна камера, но во друга конфигурација. Очекуваме и двојна камера за селфи.

Други карактеристики вклучуваат Snapdragon 845 чипсет, 6GB RAM, 3300 mAh батерија и 128GB вградена меморија. Неодамна, исто така, се појавија рендери кои даваат добра идеја за дизајнот на моделот.

извор: USB.mk

Поврзани

Најнови вести

Коментари