Уапсени 148 лица во акција на Европол

Речиси половина милион луѓе, возила и простории се прегледани минатата недела за време на заедничката акција која ја координирале ЕМПАЦТ, Фајерармс и Европол во борба против криминалот кој што потекнува од Западен Балкан.

За време на четиридневната операција, 8.300 офицери од 28 земји, од Фронтекс и Интерпол, работеле во седиштето на Европол во Хаг, во борба против илегалното криумчарење на огнено оружје, дрога, илегална миграција и фалсификување на документи, соопшти Европол.

Подготвителната фаза почна на почетокот на 2018 година и за време на таа фаза разменети се повеќе стотици информации за луѓе, телефонски броеви и документи меѓу сите партнери, уапсени се 32 осомничени, запленети се 102 парчиња огнено оружје и претресени се 60 куќи.

Резултетите постигнати од 5 до 9 септември се 148 уапсени, запленети 159 парчиња огнено оружје, експлозив и друго оружје, како и 286 килограми дрога, 22 злоупотреби на визи, 40 фалсификувани документи, 612 нелегални влезови и 178 одбиени влезови.

Во операцијата, учествувале сите земји од Западен Балкан заедно со 20 земји членки на Европол, Швајцарија, САД, Интерпол и Фронтекс.

извор: Makfax

Поврзани

Најнови вести

Коментари