Во интервју за Би-Би-Си, тој рече дека злосторствата на Доминик Пеликот не треба да се преувеличуваат и покрај тоа што мажот 10 години ја силувал и дрогирал сопругата во нивниот семеен дом во Авињон, во присуство на други луѓе.
Жизел, мајка на три и баба на седум деца, храбро се откажа од правото на анонимност и јавно го опиша ужасното предавство што нејзиниот партнер го извршил во периодот од 2011 до 2020 година.
Господинот Боун сега побегнал на југот на Франција, на непозната адреса далеку од Мазан и е под полициска заштита.
„Ми се закануваа и ме навредуваа. Сакаа да ми упаднат дома со банда“, вели овој 74-годишник, кој е избран за градоначалник на Мазан во 2020 година.
Бонет рече дека добил и закани на социјалните мрежи и телефонски откако ја дал изјавата на почетокот на овој месец. Тој им рече на новинарите дека „на крајот на денот, никој не умре“, очигледно изразувајќи опуштен став по грозоморниот случај што ја шокираше јавноста во Франција и целиот свет.
Тој подоцна се извини на Фејсбук, велејќи дека се кае за тоа што го кажал, пренесува Мирор.
Доминик Пеликот беше фатен откако е уапсен во 2020 година затоа што фотографирал интимни делови на жена под нејзиното здолниште во супермаркет. Жизел го следела до полициската станица, молејќи го да биде „убав и чесен човек“.
Меѓутоа, во истата полициска станица во ноември 2020 година, Жизел ја дознала неверојатната вистина за нејзиниот сопруг. Имено, поручникот ѝ подарил фотографија од нивната спална соба, а во неа Жизел била со непознат маж. Тогаш клопчето почнало да се одмотува...
Полицијата идентификувала 92 силувања од 72 мажи, од кои идентификувани се 51 лице.
Жизел, која со години доживува хорор за кој до неодамна не ни знаела, одлучила судењето да го објави јавно за да ги поттикне другите жртви да ги пријават злосторствата.
