Заменик-градоначалникот Сја Линмао на прес-конференција изјави дека 44 лица загинале во Пекинг поради поплави, објави Ројтерс.
Официјалните лица изјавија дека најмалку 31 лице се водат како исчезнати во главниот град и соседната покраина Хебеј. Обилните дождови започнаа пред една недела и го достигнаа својот врв околу Пекинг и околните покраини.
За само неколку дена, планинскиот округ Мијун североисточно од главниот град прими до 573,5 милиметри дожд. За споредба, просечните годишни врнежи од дожд во Пекинг се околу 600 милиметри.
Триесет и едно лице починале во дом за стари лица во Таишитун, град во округот Мијун во Кина, веднаш спротиводно од резервоарот Мијун и на околу 90 минути возење од центарот на Пекинг.
Вкупно 69 постари жители биле во домот за стари лица кога се случиле поплавите, а 55 од нив страдале од некаков вид функционално оштетување, соопштија властите.
Не е познато дали меѓу загинатите има и вработени во објектот. Во соседната покраина Хебеј, 16 лица загинале во обилните дождови.
Во летото 2023 година, обилните дождови убија најмалку 33 лица во Пекинг. Десет години претходно, во јули 2012 година, 79 лица загинаа во најсмртоносните поплави во градот во поновата историја.
