Потегот кој многумина го оценија како скандалозен наиде на бура од реакции од присутните кои со свирежи и довикувања ја испратија од бината во спортскиот центар „Гемиџии“
Откако нејзините колеги на сцената и посочија, меѓу кои имаше и македонски пејачи, таа го отстрани знамето, но дел од публиката веќе започна да ја напушта салата. Ражнатовиќ потоа се обиде да го продолжи концертот, велејќи дека мислела дека има љубов меѓу сите.
Пеачката потоа го крева и македонското знаме, но сепак, на видеата кои станаа вирални на социјалните мрежи може да се види и слушне дека нејзиниот обид за продолжување на концертот е неуспешен, поради свирежите на публиката, по што кратко потоа ја напушта и бината и го прекинува концертот.
Ражнатовиќ денеска се огласи во дел од домашните и српските портали, а за Блиц изјави дека нема да се занимава со реакциите на социјалните мрежи, бидејки немала намера да ги навреди домаќините..
-Не е чудно што секогаш сум среќна да го прифатам секое знаме од мојата публика, бидејќи тоа е мојата публика, мојот народ. Нè обединува љубовта кон песната, без разлика од каде доаѓа некој. Жал ми е ако тој чин повреди некого – навистина не ми беше намерата, особено не да ги повредам или навредам домаќините.. Нема да се занимаваме со реакциите на социјалните мрежи, бидејќи сите ние што бевме заедно во Велес таа вечер знаеме што навистина се случи. Ништо и никој не може да застане помеѓу мојата публика и мене. – изјави Ражнатовиќ за српски Блиц..
Настапот на пејачката стана топ-тема на регионалниот интернет-простор, со илјадници коментари околу нејзиниот потег, некои со осуда за пејачката, некои дури и за присутните. Настапот предизвика бурни реакции и во нејзината матична земја, Србија...На социјалната мрежа ИКС ја искритикува и нејзината колешка Јелена Карлеуша која напиша дека гестот на Ражнатовиќ да крене знаме на држава која ги негира името и постоењето на Македонците, не било само обична глупост или незнаење.
