Арсенал ја прекина црната серија од четри меча без победа во Премиер лигата откако попладнево пред своите гледачи успеа со 3:0 да слави на мечот со Нотингем Форест и да се врати во најдобрата четворка на табелата во англиската елита.
„Топчиите“ поведоа со голот на Сака во 15. минута за 1:0 и со овој резултат заминаа на пауза. На самиот почеток на вториот дел Парти погоди во 52. минута за 2:0, а со голот на младиот Нваниери во 86. минута, Арсенал само ја запечати многу посакуваната победа.
Брајтон со 1:2 славеше кај Борнмут, додека Астон Вила едвај извлече реми на домашен терен против Кристал Палас – 2:2.
Вредна победа за Вулверхемптон кој со 1:4 си замина како победник на мечот со Фулам. Гостите 10 кола не знаеја за победа, а сега во последните две кола веќе нанижаа два триумфа. Евертон и Брентфорд завршина 0:0.
