Федерер убедливо до полуфиналето, го „избегна“ Новак?

epa07168116 Switzerland's Roger Federer celebrates winning against South Africa's Kevin Anderson during their round robin match on day five of the ATP World Tour Finals tennis tournament at the O2 Arena in London, Britain, 15 November 2018. EPA-EFE/NEIL HALL epa07168116 Switzerland's Roger Federer celebrates winning against South Africa's Kevin Anderson during their round robin match on day five of the ATP World Tour Finals tennis tournament at the O2 Arena in London, Britain, 15 November 2018. EPA-EFE/NEIL HALL

Роџер Федерер со убедливи 6:4/6:3 го победи јужноафриканскиот ривал Кевин Андерсон за пласман во полуфиналето на АТП финалето во Лондон, каде што ќе му се приклучи токму Андерсон, кој ги доби претходните два меча.

Швајцарецот го започна турнирот со шокантен пораз од Кеи Нишикори, меѓутоа откако Доминик Тим го „нокаутираше“ Нишикори во попладневниот меч, на Федерер му беа потребни само шест освоени гема за пласман. Наместо тоа, Федерер во 16-тиот настап на завршниот годишен турнир по 15 пат се пласираше во полуфиналето со победа и со освоено прво место во групите (по 14. пат).

Ова исто така беше слатка одмазда за Федерер, откако Андерсон го елиминираше во четврт-финалето на Вимблдон оваа година во својата најдобра сезона во кариерата.

Првото место исто така најверојатно значи избегнување на Новак Ѓоковиќ во полуфиналето, бидејќи светскиот број 1 е прв во другата група со две победи, иако шанси за прво место имаат и Марин Чилиќ и Александер Зверев, ако Ѓоковиќ случајно загуби од Џон Изнер.

извор: Makfax

Поврзани

Најнови вести

Коментари