Еспањол на само -3 од Барса, Билбао блиску до зоната за испаѓање (видео)

epa07143692 Espanyol's forward Leo Baptistao (L) and Athletic de Bilbao's Yuri Berchiche (R) vie for the ball during the Spanish LaLiga match between Espanyol and Athletic de Bilbao at RCDE Stadium in Barcelona, Catalonia, Spain, 05 November 2018. EPA-EFE/Enric Fontcuberta

Еспањол го совлада Атлетик Билбао со 1:0 во последниот меч од 11. коло во шпанската Ла лига, за да се пробие на второто место на табелата со само три поени помалку од актуелниот шампион, градскиот ривал Барселона.

Билбао пак, е сѐ поблиску до зоната за испаѓање, откако нема победа во последните 10 меча во мизерниот старт на сезоната за баскиската гордост.

Човек на одлука беше Борха Иглесиас, кој во 41. минута од мечот доби фантастична топка од Дидак Вила и со глава го „матираше“ Ерерин.

За тимот на Руби, ова е шеста победа оваа сезона, со која имаат 21 поен, три помалку од првопласираната Барселона, но и еден повеќе од Севилја, Атлетико Мадрид и Алавес во интересната горна половина на Ла лига.

Атлетик се на 17. место со само 10 освоени поени, еден повеќе од Леганес, и четири пред последнопласираната Уеска.

Фото: ЕПА

извор: Makfax

Поврзани

Најнови вести

Коментари