Рускиот истражен комитет соопшти денеска дека почнува кривична истрага за кршење на правилата на летање или подготовките за летање по катастрофата во која учествуваше воен хеликоптер Ми-8, пренесува „Спутник“.
„Отворена е кривична истрага за прекршок кршење на правилата за летање или подготовките за него, по катастрофата со хеликоптерот Ми-8“, се вели во соопштението.
Претходно во текот на денот, воениот хеликоптер Ми-8 падна во автономната област Чукотка на Далечниот исток од Русија додека изведуваше тренинг-лет. Четири лица загинаа во несреќата, информира руското Министерство за одбрана.
Експертите во моментот го проучуваат местото на инцидентот и ја запленуваат документација пред летот и примероци од горивото, додаде комитетот. Според првичните податоци, несреќата се случила поради технички проблеми, соопштија надлежните од регионот Чукотка, пренесува ТАСС.
извор: Makfax
