Мицкоски: Немаме успешно справување со корона кога СМЕ РЕКОРДЕРИ ПО БРОЈ НА ЗАГУБЕНИ ЖИВОТИ

25.05.2020
vesnik-fb-blue
vesnik-twitter-blue
Мицкоски: Немаме успешно справување со корона кога СМЕ РЕКОРДЕРИ ПО БРОЈ НА ЗАГУБЕНИ ЖИВОТИ

Едно е што мисли власта, а друго е што говорат бројките. Ние немаме успешно справување со кризата кога сме рекордери  во регионот по починати лица на милион жители, рече претседателот на ВМРО-ДПМНЕ, Христијан Мицкоски на вечерашното гостувањето на телевизија Клан.

„Денес имаме нови дваесет и неколку заболени лица,  вчера имавме 37 новозаболени. Додека земјите во регионот Словенија, Хрвтаска, Црна Гора или бројат во деноночие едноцифрена бројка или немаат заболени на дневно ниво. Тоа се мерливи бројки, ова е видлива работа“, посочи Мицкоски.

Лидерот на ВМРО-ДПМНЕ потенцираше дека не помага ако некој да излегува секој ден во јавност  да кажува дека е добро, додека во реалноста е поинаку.

„Не е работата да излегувате по медиуми и да мислите колку вие ја раскажувате вашата приказна истата ќе ја прифатат граѓаните“, изјави Мицкоски.

© vesnik.com, правата за текстот се на редакцијата