Сојузните и провинциски влади во Германија денес дебатираа кога и како да ги олеснат правилата за физичко растојание, при што владините претставници на канцеларката Ангела Меркел ја предупредуваат дека отстранувањето на истите може да предизвика нов бран на коронавирусот.
Судирот избувна откако Бодо Рамелов, премиер на источната држава Тирингија, рече дека ќе ги укине правилата за носење маски и за дистанцирање, потпирајќи се само на локалните мерки.
Иако провинцискиот предлог ја одразува политиката на сојузната влада за постепено повторно отворање на економијата и истовремено брзо реагирање за пронаоѓање на контактите, официјалните лица стравуваат дека таквата порака може да ја загрози дисциплината на граѓаните.
„Под никакви околности не треба да се создаде впечаток дека пандемијата е завршена“ - рече германскиот министер за здравство Јенс Спан, потенцирајќи дека физичката дистанца, хигиената и маските го спречуваат ширењето на вирусот.
Бројот на нови заразени во Германија значително се намали во текот на претходниот месец. Продавниците, баровите, рестораните, музеите и црквите се отворени, иако многу Германци сè уште работат од дома.
Јавниот превоз работи од помал обем од вообичаеното, додека државниот железнички оператор Дојче Бан денеска најави дека повторно ќе започне со зголемување на патувањето на подолги растојанија.
