Над стотина случаи на инфекција со коронавирус се потврдени во старски дом во Будимпешта, изјави на прес-конференција главната унгарската здравствена функционерка, Сесилија Мулер.
Домот за стари и изнемоштени лица, во сопственост на градот Будимпешта, може да смести 544 луѓе, според информациите објавени на неговата официјалната веб-страница.
„Истрагата продолжува“, рече Мулер на прес-конференцијата.
„Јас лично ќе го посетам објектот бидејќи сметам дека е неопходно да се следат интензивните напори што ги прават сите засегнати страни за да се спречи ширењето на вирусот во таа институција“, додаде таа.
Мулер нагласи и дека неколку постари лица биле заразени во друг дом во Будимпешта, но таму бројот на инфицирани бил едноцифрен.
Според Универзитетот „Џонс Хопкинс“, во Унгарија од коронавирус се заразени 980 луѓе.
извор: Makfax
