Повеќе од 40 работници на плантажа за чај во Индија, починале од токсичен илегален алкохол. Според информациите, околу 20 работници се наоѓаат во болница и се во критична состојба.
„Досега почина 41 човек по конзумирање на отровна течност“ изјави министерот за енергетика, Тапан Гогои, пренесе Ројтерс. Хоспитализирани се уште 45 лица, а 20 се наоѓаат во критична состојба.
Смртни случаи од илегален алкохол кој локалното население го нарекува „хуч“, се чести во Индија, бидејќи многумина не можат да си дозволат алкохол од индустриско производство.
извор: Makfax
