Пејачот Џон Бон Џови ги покани луѓето од целиот свет да испратат свои приказни и искуства во борбата против коронавирусот, кои тој потоа ги преточи во песната Do What You Can, јавува „Хедлајнер“.
Бон Џови на „Твитер“ рече дека преку социјалните мрежи примил илјадници пораки и изведби на песни на тема Do what you can. Некои од нив ги избрал и самиот ги пеел цитирајќи ги авторите на тие исповедувања.
I’ve been listening.
Thank you to everyone who has shared their story. Let’s keep singing this together. #DoWhatYouCan
Stay tuned for more – JBJhttps://t.co/NpmhyJtqcx
— Jon Bon Jovi (@jonbonjovi) March 26, 2020
Тој особено им се заблагодари на возачите на големите камиони, кои и понатаму крстосуваат низ Америка и, како што вели, го олеснуваат животот на другите.
Пејачот објасни за „Ројтерс“ дека повикот упатен до луѓето да му испраќаат текстови не бил свесна намера во смисла на нешто што мора да го направи, туку дека бил искрен и спонтан во својот повик.
Тој додаде дека многу од стиховите што ги добил претставуваат исповед на оние што се во првите редови на борбата против коронавирусот – медицински сестри, возачи на камиони, доставувачи на продукти.
извор: Makfax