Бројот на заразени од Ковид-19 во Србија се искачи на 900 лица, информираа здравствените власти.
Досега 23 лица починале од коронавирус во соседната земја, а дури 155 новозаразени се потврдени вчера.
Некои од пациентите се веќе сместени во голема сала на Белградскиот саем, која досега служеше за организирање на големи спортски и музички настани. Како што пренесува „Блиц“, во салата е сместен и 10-годишен пациент, кој не сакал да биде одвоен од неговата мајка.
Деновиве во Србија кружат лажни СМС-пораки кои најавуваат 24-часовен полициски час, но властите веќе предупредија дека ќе ги санкционираат оние што шират паника.
Промени има и во работното време на продавниците за храна во Србија. Во работните денови, тие се отворени до 15 часот, а за време на викендите до 13 часот.
извор: Makfax
