Алесандро Дел Пиеро во разговор за „Радио 24“ даде предлог како може да се заврши сезоната во Серија А, која поради коронавирус не се игра повеќе до две недели.
„Не е едноставно да се гарантира безбедноста на стадионите. Доколку има услови да се доигра сезоната, тоа ќе биде без публика, што пак ќе биде добро за фановите, да ја „убијат“ досадата и од дома да ги гледаат своите омилени тимови.
Сигурно ќе постои и стравот, но спортистите се силни, проблемот го земаат како нешто што мора да се совлада. Кога ќе продолжат со играњето ќе има пад и на физички и на психолошки план, тренингот во вежбална и дома не е ист“, изјави легендарниот фудбалер.
Дел Пиеро по завршување на кариерата отвори ресторан, но и тие како сите останати се затворени.
„Имам ресторан, но морав да го затворам, како вежбалниците и сето она што не се неопходни. Животот се промени, па дури и училиштата ќе бидат затворени до крајот на април“, рече Дел Пиеро кој се наоѓа во ЛА.
