Папата Франциско е негативен на коронавирусот, пренесе денеска италијанскиот печат.
Според новинската агенција „Анса“, тестирањето на поглаварот на Римокатоличката црква било извршено во хотелот Каса Санта Марта во кој живее папата, откако еден од службениците во Ватикан бил позитивен на новиот вирус.
Папата како и секој ден, утрово спроведе утринска миса во неговата резиденција.
Тој веќе беше тестиран за коронавирус на почетокот на месецот, кога, како што соопшти тогаш Ватикан, имал само обична настинка.
извор: Makfax
