Северина Којиќ деновите ги поминува во Белград, во семејната вила на сопругот Игор Којиќ. Со нив во домашна изолација се и неговите родители, Драган Којиќ Кеба и Олја. Вилата од 330 квадрати е сместена во елитниот дел на Белград, а први соседи им се Лепа Брена и директорот на Гран продукција, Саша Поповиќ.
Последните месеци пандемијата од коронавирусот го „парализираше“ целиот свет па така и семејството Којиќ.
Пејачката се „фатила“ за магичните крпи па ги дезинфицирала сите критични места како прекидачите за светло, кваките, и кујнските елементи.
Со видеото, на социјалните мрежи, се пофали свекрвата Олја и коментираше: „Снаа во доба на корона“. Многу нејзини пријатели забележаа дека Игор лежи на каучот и гледа телевизија, додека сопругата чисти, на што свекрвата одговорила: „Го љуби мама“.
Кој рече дека снаата не е вредна? Па ве молам – вели Кеба гордо во видеото на што Северина само се насмеа.
Во саботата пејачката заедно со Кеба имаа лајв концерт на Инстаграм. Изведоа неколку хитови, а за крај Северина на сите им порача да останат дома.
